Pardonon, sed hodiaŭ, mi ne volas. Mi estas laca, kaj mi ne havas energion nek volon por skribi artikolon. Mi bedaŭras, sed hodiaŭ mi ne publikigos artikolon, kiun vi povos legi. Espereble vi denove vizitos mian blogon morgaŭ, kiam certe aperos nova artikolo. Sed hodiaŭ, vi ne bezonas viziti mian blogon, ĉar estas nenio nova por legi.
Komprenu, ke foje estas malfacile trovi temon por artikolo. Por ne enuigi miajn legantojn, mi provas fari interesajn artikolojn kun almenaŭ 250 vortoj. Sed tiu vortkvanta kondiĉo faras ke mi ne povas paroli pri ĉiuj temoj. Pri kelkaj temoj, mi ne povas skribi sufiĉe da aferoj, kiujn mi konsideras interesaj. Foje estus multe pli efike simple sendi mesaĝon en la Esperanta Mastodon-o.
Denove, pardonon pro la manko de artikolo hodiaŭ. Sed eble vi povos uzi la tempon kiun vi ŝparis por legi ion alian. Estas ekzemple multaj aliaj blogoj en Esperanto, kiuj estas troveblaj en http://blogoj.gemelo.org/
Okej, sufiĉe da ŝercado.
La ideo de ĉi tiu artikolo estas montri ke eĉ se oni havas neniun temon aŭ ideon, oni povas krei enhavon en Esperanto. Estas eraro pensi ke oni bezonas tempon aŭ ideon antaŭ oni komenci produkti. Inspiro nature venas per la proceso. Foje oni ŝanĝas la temon post legi ĉion kion oni skribis, kaj oni rimarkas ke alia temo pli bonas por enhavi la skribitajn informojn.
Plie, eĉ se la temo malfacilas, la enhavo povas esti interesa, ĉar ĝi estas reflekto de la aŭtoro, kaj ĉar la teksto montras kiel la aŭtoro (mal)sukcesis krei enhavon malgraŭ la malfacileco de la temo.
Ne hezitu proponi temojn de blogaĵo al mi. Se mi trovas temon interesan aŭ defian (je interesa maniero), eble mi kuraĝiĝos skribi pri ĝi.
